شوية نكت جامدين موووووووت

محشش اشترى لأمه عصفورين!! واحد يغرد والثاني ساكت..سألته أمه ليه الثاني ساكت؟! قالها
أصل دا الملحن




********************




مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
قاله أيوا أختى متجوزة راجل



********************




واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك





********************



محشش حلق شنبه دخل على أهله
وهو بيضحك قال: تصدقوا والله ما عرفتكم




********************


مسطول مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه





********************


مسطول ماشى فى الشارع لقى عمود نور مكتوب عليه شقة للايجار قعد يخبط على العمود لغاية لما جاله مسطول تانى
قال له انت بتعمل ايه هنا قال له اصلى لقيت مكتوب شقة للايجار
قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق




********************




اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع أتاريه مسطول اكتر منهم المهم وقفوه و قالوا له احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها..




********************




مرة واحد دخل مستشفي المجاننين لقي المجانين معلقين واحد في السقف
واعدين يلفوا حولة شاف واحد اعد لوحده قال له يابني انت مش بتلعب معاهم ليه قالو يابية دول ناس هبل فاكرين الراجل لمبة واعدين يلفوا حوله قالو يابني انت شكلك عاقل قوم معاي ننزل الراجل قال له هنعد في الضلمة




********************


مرة واحد مسطول راجع البيت متأخر قعد يخبط مراته قالتله ارجع مطرح ماكنت راح شايط صفيحة الزبالة خبطت في الباب ورجعت قطعت ودنه راح مزعق و مخبط أجمد قالتله برده مش هافتحلك راح شايط الصفيحة تاني خبطت في الباب و رجعت قطعت ودنه التانية راح مصرخ و قالها افتحي يا ولية الصفيحة هاتموتنيييييييييييييييييي


مرة واحد بيسأل مراته انتى بتحبينى اد ايه قالتله اد ما انت بتحبنى قالها وليه كده انا عملتلك حاجه لاسمح الله



********************



الزوجه انا دلوقتي عرفت من قارئ الكف انك حاتسافر اسكندريه مع واحده شقرا
لا و الله ده انا مسافر طنطا و مع واحده سمرا



********************
واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه و قالها مش عارف ليه حاسس انك نحس

********************




مرة واحة عجوزة راحت للدكتور وابنها معها فكشف عليها الدكتور وقال له امك بتعانى من الوحدة جوزها واحد عنده خمسين سنة قالت له يبنى ان ما لقتيش من ابو خمسين هات لى 2 من أبو خمسة وعشرين


********************


مروه واحد راح شقه مشبوهة لقى مراته فيها قال الحمد لله مش هبعد عن الحلال



********************





مرة واحد قاعد مع خطيبته في لحظة رومانسية وقاللها حبيبتي سمعتي شي قالتلو لا قاللها ولا شميتي




********************





مره واحد ماشي مع واحد صحبه بيقوله شايف الست الي بتنشر دي قاله اه قاله دي مش محترمه وبتضرب جوزها كل يوم صاحبه قاله عرفت منين قاله عشان انا جوزها






مرة واحدة بترغى فى التليفون بالساعات فمرة اتكلمت ساعة واحدة بس فجوزها قالها
خلصتى بسرعة لية قالتلة
اصل النمرة طلعت غلط


********************



مرة واحدة بتخون جوزها فسمعتة طالع على السلم فقالت اخبيك فين اخبيك فين راحت مخبياة ورا التلفزيون فجوزها كان جايب سمك فقالها خدى جهزى السمك ده وراح فاتح التلفزيون يتفرج على المطش الست جية تقولو ا اية دة ياراجل انتا جايبلى السمك صاحى قالها امال انا اعمل اية كل ما الأهلى يجيب جون يطلع واحد من الجمهور يبوسنى ويرجع تانى


********************






واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير


مرة واحد قاعد مع حبيبته على البحر في الليل والجو رومانسي، قالت له: شايف القمر يا حبيبي. قالها:آه، قالت: ريحة رجليك واصلة عنده




********************


زوج بيقل زوجته انا حاسس انى عايش فى حديقه حيوان فاستغربت وقلتله ليه قاللها الصبح اصحى من النوم زى الديك واجرى الى العمل زى الحصان والساعه خمسه ارجع من الشغل وانا الهث من التعب زى الكلب وبالليل انام جنب بقره



********************



مره واحد قابل واحد بيجرى فى الشارع ساله أنت بتجرى ليه قال له اشترت لحماتى نصف كيلو سمك أكلته نى أصيبت بشلل نصفى وقال له أنت رايح تجيبلها الدكتور ؟ قال له:لا أنا رايح اجيب لها كمان نصف كيلو




********************


حرامى طلع على راجل ومراتة فقلهم هقتلكم فسأل الولية انتى اسمك اية قال قالتلو منيرة قلها انتى اسمك على اسم امى علشان كدة انا مش هقتلك فقال للرجاانتا اسمك ايه قالو فوزى والدلع منيرة




********************



مره فى التليفزيون عملوا جايزه مليون جنيه للى عنده 10 عيال فواحد قال لمراته عاوزين نكسب الجايزه دى احنا عندنا 9 عيال انا كنت متجوز و عندى عيل انا هروح اجيبه و نكسب الجايزه راح يجيب العيل و جه ملقاش ولاده قال لمراته فين العيال قلتله كل عيل أبوه جه خده.



********************



مرة واحد قاعد بيقرا الجرنان فى امان الله جات مراتة ضربتة بغطاء الحلة على دماغة قال لها لية بس كدة يا بنت الحلال قالت لة انا لقيت الورقة ديه فى جيب الجاكت بتاعك ومكتوب عليها سوسو قال لها ده الحصان اللى انا كنت بشجعه فى السباق راحت ماشية جات تانى يوم قاعد بيقرا الجرنان فى امان الله راحت جات مراته ضربته على دماغه بغطاء الحلة راح قال لها فى ايه تانى يا بنت الحلال قالت له حصانك على التليفون



********************





في مرة واحد شاف مرته بتعمل مكياج. قلها يا ريت كل يوم بتعملى مكياج, الزوجة استغربت وسئلت زوجها ليه ؟ قلها يمكن عزرائيل يعجب فيكي وياخذك.


********************



واحد راكب عربية هو مراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لاانت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كام اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالال اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لما بيكون سكران بس



********************


مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس



********************



ابو العربى وام العربى كانو نايمين فسمعوا واحد حرامى ام العربى بتقول لابو العربى قوم فى واحد حرامى قال لها قومى انتى ليكون الحرامى ده واحدة ست


واحد غبى راح لواحد بياع تيليفزيونات بيسأله عندك تليفزيونات ملونة البياع قال له ايوه راح قايله ادينى واحد أخضر


********************

أغبيه راحوا يلعبوا بلياردو، واحد منهم وقف فوق الطرابيزة وقال لهم انا الجوووون


********************

غبي داخل سينما لقى مكتوب ممنوع الدخول لأقل من 18 راح جاب 17 واحد



********************


واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم اردم

********************

اتنين راكبين القطر المكيف ... الأول بيقول : أنا بردان من التكييف .... التانى قال له : و انا عبدالله من المنصورة.....!



********************