سعات بحس انى منافق....وللشيطان صديق ومرافق
وغرقان فى المعاصى
وكتير بحس انى هموت.....وده اخر نفس واخر صوت
وهفارق اصحابى وناسى
ــــــــــــ
وابقى خايف من ربنا....واقول لقلبى يلا توب
واكيد ربى هيقف جنبنا...ماهوه غافر للذنوب
ـــــــــــــ
وارجع اصلى يوم واتنين....واقول طب ما اسمع اغنيتين
ده انا برده مش ملاك
والاذان فاضل عليه ثوانى....وانا الشيطان خدنى وسهانى
وناوى يخلى اخرتى هلاك
ـــــــــــ
وارجع اقول حرام عليا....بس الرجوع لسه فى ايديا
ولما اقرب من ربنا....ابدء ابعد شويه شويه
ــــــــــ
لما اشوف واحد محتاج....بديله لكن بخاف
ميجبش بالمال علاج ...وبياخد برده من الاف
ـــــــــ
وارجع اقول طب وانا مالى....المهم اللى فى النيه
وفى عز ما انا تايه فى حالى...مبلقاش حبه حنيه
يا رب قوينى على الايمان................ واغفرلى يا رب يا رحمن
وابعد عنى الشيطان .........انا عايز ابقى جمبك فالامان
وخلينى دايما يا رب........اصلى واقرأ القرأن
ده انا بحبك والله يا ربى ......... وبطلب منك دخولى اعلى الجنان