كلنا بيمر علينا يوم ورا يوم هموم كتير
واحياناً كبوات واحياناً كتيييييييير الكبوات دى لما بنفكر فيها بعد فتره وبنفكر في رد الفعل اللى عملناه في وقتها .. نضحك بسخريه عجيبه على رد فعلنا
طيب ليه البنى ادم مايحكمش عقله قبل مايتصرف
لو كل واحد وقت مايحصل معاه مشكله يفكر كويس ويتأنى وياخد وقته في اتخاذ رد الفعل الملائم .. هيلاقي حل
ليه نسيب روحنا كدا ونستسلم لساعات الغضب
مرة من المرات .. كنت مهمومه .. وكتبت موضوع بالكلمه دى
وكل الموضوع بحاله مافيهوش غير الكلمه دى
شاءت الاقدار انها توقع دكتور في طريقى وقاللى لو سبب همك انك وقعتى في مشكله
قومى ونفضى هدومك من همومك .. الحياه مش هتستناكي .. واليوم اللى بيعدى بيتحسب عليكى انك عشتيه
لقيت نفسي بقول كل يوم من بعد الموقف دا
نفض همومك من عـ المخده ونام خفيف
هتعيش حياتك بالربيع فـ عز الخريف
يلا كلنا ممنوع الاستسلام .. منوع الانعزال .. ممنوع الزعل
وكله ينفض هدومه من همومه
الأربعاء مارس 16, 2011 12:23 pm من طرف 
