اقول للشباب فى ايقاع البنات ربنا يهدى شباب المسلمين

السلام عليكم
اعضاء المنتدى الكرام
اولا
الموضوع اللى هتكلم فيه يستحق انه يكون موضوع
بس قبل ما اتكلم لازم ااكد على حاجة مهما دايما في السئ والطيب
واذا كان في كلامي شئ يدل على عموم السئ يبقى بدون قصد
لاني بحط دايما في دماغي
(الا من رحم ربي)
ثانيا
فكرة الصحوبية اللى القسم ده قايم عليها وده شئ طيب من المنتدى وانا هتكلم عليها من جانب مهم
ممكن البعض يعتبره فيه شبه تعليم او توضيح لاساسيات الصحوبية
بس انا بعتقد انه العكس لاني هتكلم عن بعض اساليب الشباب لاجتذاب البنات ونيل اعجابهن
والفايدة اللى ممكن تيجي من ورا الكلام ده ان البنت لو سمعت كلام من اللى هقوله او افعال
تكون مستعدة للتعامل معاه لانها مش هتكون اول مرة هتسمعه وتصاب بما قد يصاب به البعض
(الا من رحم ربي)

لكنها ستكون قادرة على التعامل مع الشاب ولن تسقط في شراكه

ثالثا
انا قررت اكتب اول موضوع ده ليا بعد ما اتطلعت على قصتي
اخر البنات المحترمات
واللي فات مات والتي اقوم بوضع حلقاتها تباعا خلف المؤلفة لهذه القصص
وما قد تحتويه هذه القصص من بعض الكلام الاتي وما قد سيطر على اغلب الشباب والبنات
من فكرة البحث عن الحب او انتظاره
ومن تكون في راسه هذه الافكار يكون مهيئ لسماع تلك الكلمات والافعال والتي يكون مغعولها كبير في هذه الحالة
رابعا
اتمنى من الاعضاء الذين قراو الموضوع اذا كان لديهم اي جمل او افعال اخرى تتبع هذه الكلمات
ارجو وضعها حتى يكون الموضوع ي به من التوعية ما يكفي لمعرفة هذه الاساليب
وارجو تثبيت الموضوع حتى يكون متواجد ومتجدد لاي اعضاء جدد

واخيرا وليس اخرا
اسف على الاطالة في المقدمة وادعو الله ليا ولكم بالهداية والتوفيق والتقرب من الله بما فيه الخير
اخوكم في الله
ولا تنسو
(الا من رحم ربي)
________________________________

قد تاتي هذه الكلمات تحت احد العناوين الاتية:

ازاي تضحك على البنت في دقايق
_______________

ازاى تخلى البنات تتجنن عليك,
____________________
ازاي تخلي البنت تعجب بيك

وما اكثرها للاسف


هذه هي الكلمات

لو انت مثلا تكلم بنت وعايز تلفت نظرها او مثلا انت مرتبط وعايز تحافظ على حبيبتك ومضيعهاش منك ومش عارف تعمل ايه وخايف ان الايام تخليها تبص لواحد غيرك...صح؟؟ ياريت احسن بلاش غرور عشان فى شباب ساعات بيحس انه مالك الارض وان حبيبته مش هاتسيبه مهما عمل معاها من حاجات تقصر عمر الحب وتدفن الورود بتاعته..... فعليك بالنصايح دى خدها منى وجربها على اد ما تقدر وحاول ان تمشى عليها اوكى؟؟؟؟؟

/ البنت متحبش الولد اللى بيتكسف عارف ليه؟ لان البنت بطبيعتها عايزه تسمع احلى كلام فى الدنيا ولو الولد اللى هى تعرفه او هاتعرفه بعدين بيتكسف يبقى ياعينى مين بقى اللى هايقولها الكلام اللى زى العسل ده ....البواب؟؟؟؟

/ ياريت من الاحسن ليك ان البنت اللى انت عايز تكلمها او بتكلمها ما تعرفش كل حاجه عن ماضيك يعنى من الاخر متعرفش مثلا انك كنت بتكلم 20 بنت او حتى بنت وسيبتها ورميتها عشان عيب صغير اوى طبعا هى فى عقل بالها هاتقول (( طيب ما انا كمان مش ملاك )) يبقى هى هتاخد عنك فكره انك بياع وهلاس وطبعا هنا مش هايبقى فى اى نوع من الثقه او الراحه او الامان ...يعنى من الاخر البنت دى هاتقعد طول الوقت اتك امتى هاتسيبها ؟؟ وامتى هاتخونها؟؟ وامتى هاتتكلم عليها؟؟ وامتى هاتنفضلها؟؟ وطبعا انت هاتقول دلوقتى يعنى لما البنت تيجى تسألنى عن الماضى بتاعى اكدب؟؟؟
طبعا لا مش كده خالص بس حاول توصل المعلومه بتاعتك اللى كانت فى الماضى بشكل حلو ولو حاسيت انك غلطت فى الماضى يبقى لازم تخلى الحاضر يمشى عشان البنت تستريح ليك ويبقى اكتر الوقت بتاعكم ضحك وحب ورومانسيه!!
وكمان مفيش بنت فى الدنيا هاتسمع انك ارتبطت كتيير وسيبتهم وهاتأمنلك ..طبعا لا....ولو مفكرتش فى الحاجات دى او الماضى بتاعك صدقنى هايجى يوم وتفكر فيه بس بطريقه تانيه وحشه اوى وهىبقىاللى هاتسيبك ساعتها

/ بلاش تظهر قدامها او بلاش توصلها انك الشاب الصايع اللى فاهم كل حاجه فى الدنيا عارف ليه؟؟؟؟ عشان الصياعه ادب ثم ادب ثم ادب
يعنى حاول تظهر انك عارف كل حاجه وفاهم كل حاجه بس فى دماغك بس مش اكتر من كده!!!!

/ نصيحه للى مرتبطين .... لو عايز تحافظ على حبيبتك اللى ملكش غيرها حاول بقدر الامكان انك فى اى لحظه غضب بلاش تتطلع من بقك اى لفظ مش تمام سواء ليها او لحد تانى وبلاش برده العصبيه والصوت العالى الا طبعا اذا كانت هى غلطت يبقى لازم تفهمها الصح بس باسلوب لذيذ فيه عقل وجمود فى نفس الوقت
عارف ليه انا قلت الكلام ده؟؟ عشان البنت بتحب الهدوء والرومانسيه وتكره الصوت العالى ذيها ذى البيبى الصغير بالظبط الاتنين واحد

5/ 5مفيش احسن من الاحترام ....لازم تكون نحترم معاها او حتى مع اللى قريبين ليها عشان الاحترام بيخلى البنت تحس من جواها انك عاقل وكبير بس مش فى السن لا فى لاروح والوجدان والاحساس والمشاعر والحب وساعتها هى هاتعرف انك اللى هاتحافظ عليها
/ انت عارف ايه اكتر حاجه فى الدنيا البنت بتكرها فى حبيبها ؟؟؟
ان حبيبها ده ليه فى (( الدراكز)) ودى الحاجه الوحيده اللى البنت متقدرش تسامحك عليها لانها عايزاك احسن واحد فى الدنيا وتفتخر بيك ادام صحابها بس طبعا لو انت.......... ساعتها يبقى لا فى فخر ولا عباس حتى !!!!

/ شوف ايه اللى هى بتحبه واعمله وشوف ايه اللى بيضايقها وبلاش تعمله بس بمزاجك انت مش بمزاجها هى يعنى فهمها انك بتعمل كده عشان انت كويس ومش بتعمل كده عشان انك خايف تروح منك او تبص لحد تانى اوكى؟ لان البنت تموت فى الولد اللى يوصل لدماغها ويترجمها للغه الحب

/ شخصيتك......دى بقى اهم حاجه ممكن تشد البنت ليك ....والشخصيه هنا مش معناها ضرب وقله ادب وتأمر وبس كده لا لا لا لا مش كده خالص
الشخصيه هى انك ليك دماغ عارف هى رايحه فين وجايه منين وامتى تستعملها وامتى برده تركنها !!! طيب اسمع.... لو انت قاعد فى وسط جروب فيه بنات على ولاد وواحد صاحبك قال حاجه فى موضوع وانت شايف ان الحاجه اللى قالها دى مش عجباك او مفهاش نوع نت الانسانيه او الرجوله فطبعا انت هاتصححله الكلام بتاعه وتتكلم بطرقتك وطريقه تفكير دماغك وساعه لما تحس انك قلت المفيد وانت اللى طلعت صح فى الكلام ...شوف بقى ايه اللى هايجرى....دى نقطه اعجاب بيك لان شخصيتك لذيذه وعاقله عارفه الدنيا والناس والصح والغلط.......والبنات طبعا مش عايزين حاجه اكتر من كده

/ بلاش تظهر نفسك بطريقه ساذجه يعنى بلاش تعمل حركات مش اللى هيا
لان فى ناس الصراحه عشان تخلى البنت تاخد بالها منه يعمل اى حاجه وزى ما تيجى تيجى وطبعا دى تفاهه ... ومن رايى انك تسيبها كده ولازم فى يوم هاتتكلم معاها او هى تاخد بالها منك وده طبعا بيكون فى حاجات قبليه يعنى هى مش هاتبصلك من الباب للطاق كده !!! يعنى حاول توصلها انها فى دماغك بس بطريقه تعجبها

/ من الاخر لو فى بنت عجباك خشلها وكلمها علطول وبلاش كسوف بس الاول اعرف هى مين وايه شخصيها وايه نوع رد الفعل بتاعها واعرف هى ازاى هاتتصرف لما انت تكلمها عسان طبعا ماتحرجكش ولا تسببلك مشاكل لان البنات بصراحه حركاتها كتير اوى اوى
(الا من رحم ربي)

وهذه كلمات اخرى

لكل فتاه سرها ولكل بنت أسلوب التعامل الخاص بها و إذا أردت أن تمتلك قلب الفتاه عليك ان تعرف هذا السر أو تفتح الباب الذى تدخل منه إلى قلبها و لكن إلى جانب هذه الحقيقه هناك 39 نقطه تتفق عليها جميع الفتيات. تعرف على هذه النقاط لكى تتمكن من امتلاك قلب فتاتك :-
1- تعشق البنات المبالغه فى كل ردود أفعالهن ,
لهذا امنح فتاتك فرصتها بالتظاهر بالغضب لمجرد انك تأخرت نصف ساعه .
2- الغيره تدفع البنت إلى كراهيه الاستماع لذكرياتك عن حبيبتك السابقه .
3- عاده ما تستمتع البنت بإثاره غيره حبيبها .
4- أكثر الأشياء التى تلفت انتباه أيه بنت فى الولد هى أسنانه وشعره وعنقه .
5- تشعر الفتاه بسعاده عندما تقبل يدها .
6- تفضل البنت الولد الذى يتحدث كثيرا .
7- عندما تعجب الفتاه بالشاب لا تتوقف عن لمس يديه وهى تتحدث .
8- البنت عموما لا تحب الولد العاطفى .
9- لا تقول أبدا لأى فتاه ان وزنها زائد .
10- تبحث الفتيات عن ولد يجمع بين قوه الشخصيه وخفه الدم .
11- تكره الفتاه الولد المدخن .
12- احرص دائما على فتح الباب لها .
13- لا تملى عليها أوامر وتقول لها ماذا تفعل .
14- تعشق الفتاه مشاهده الولد وهو يتشاجر من اجلها .
15- تكره الشاب الذى يتحدث طول الوقت عن نفسه .
16- عندما تعلم ان الشاب يحبها تتجاهله وعندما تتجاهله يقع فى حبها .
(الا من رحم ربي)

17- لا تحب الولد الذى يستغرق وقتا طويلا فى ارتداء ملابسه .
18- لا تقول لها أبدا انها لا تفهمك .
19- البنت بطبعها تعشق المجامله .
20- تحب أن يلاحظ الشاب أى تغيير فى شكلها .
21- البنت تغفر لمن تحب مره واحده .
22- تكره الشاب الذى يستخدم ألفاظ خارجه .
23- تكره أن يتحدث الشاب لأشخاص موجودين معه اثناء حديثها معه فى التليفون .
24- لا تقل لها أبدا ان شعرها او ملابسها لا تناسبها .
25- تتحدث الفتاه كثيرا عن الشاب الذى تحبه .
26- الفتاه يمكن أن تحب شخصا واحدا , لكنها تعجب بألف .
27- لا تترك الفتاه تنتظرك .
28- هى لن تعترف أبدا بالحب لحبيبها إلا إذا اعترف هو فى البدايه .
29- اعتذر لها حتى لو كانت هى المخطئه .
30- لا تفتح ابدا حقيبتها .
31- تتصرف بأدب أمام حبيبها .
32- تعشق النميمه .
33- تكره الولد الذى يعتقد انه يفهم فى كل شئ .
34- إذا جرحت مشاعر أى فتاه فعليك نسيان ان تعود إليك مره أخرى .
35- البنت تكره الولد الذى لا يفى بوعوده .
36- تكره الولد الذى يتعمد لمسها .
37- تكره الولد الضعيف .
38- تكره الولد الذى يسخر منها امام اصدقائه .
39- تكره الولد الذى لا يأخذ كلامها على محمل الجد

(الا من رحم ربي)

وفي النهاية اتمنى ان يكون في موضوه مشابه بس يكون موجه للشباب عن بعض اعمال الفتيات
التي قد توقع بالشاب في حب فتاة حبا محرما ومعصية الله

بعض الكلمات قد يكون فيها الفاظ بها قليل من الاحترام
ولكن نقلتها اليكم كما تقال حتى تكون واضحة