ليه البنت المسلمة محجبة

بسم الله الرحمن الرحيم

والصلاة والسلام على سيد الخلق اجمعين اما بعد*********

عندى سؤال مهم جدا لكل بنت محجبه اكيد فى كتير بنات محجبه ومش عارفين ليه محجبين غير ان ربنا امرنا بكدة وبس وممكن بنات يكونو محجبات ومش عارفين ليه.

السؤال انا محجبه ليه؟

اولا انا محجبه -بعد ايمانى بامر ربنا ان الحجاب فرض على كل مسلمه- علشان الاسباب التاليه:

1- علشان انا حرة*مش من حق حد يشوف منى اللى مش عوزاه يشوفه الا بايرادتىومن حقى اختار مين اللى يشوف منى اجمل ماعندى.

2-علشان انا غاليه**مينفعش اقلل من قيمةنفسى واخليها عرضه لكل العيون ويبقى خروجى ضوء اخضر لكل من هب ودب يسرق منى حتى لو مكنش دا قصدى بس مش هقدر امنعه.
كامل اعتزارى لغير المحجبات ولكن دا اللى هيوصل منك لضعيفى النفوس وعلشان كدةربنا فرض الحجابحتى لا يطمع فيكى الذى فى قلبه مرض.

3-علشان انا بحترم نفسى*** وشايفه نفسى كبيرة قدام نفسى ومينفعش انزل سوق المنافسه
فى الانوثه علشان افوز فالاخر بنظرة شهوانيه او كلمة غزل رخيصه.

4-علشان انا جمالى مش خارجى وبس**** ومن حقى ان اللى ييجى يتجوزنى واللى هديله الباقى من عمرى واللى هديله كل مشاعرى واللى هقاسمه افكارى واحلامى مش يخترنى على مقاييس شكليه وبس او يكون دا العامل الاساسى فى اختياره ليه لاء لان الاهم انه يحب روحى ويعجب بشخصيتى ويرتاح معايا نفسيا علشان كدة مش ضرورى يشوفنى فى كامل زينتى الا لما يتجوزنى.

5-علشان انا بخاف على اخويا فالله*****اللى بيشوفنى الشغل او فالكليه او فى الشارعاو فى المواصلات يمكن يكون عاوز يتقرب من ربنا وبيجاهد نفسه علشان يغض بصره فمرضاش لنفسى انى اكون سبب فى انى افتنه.

6-علشان انا بشيل هم اخويا فالله******اللى نفسه يتجوز ومش قادر لضعف امكانياته الماديهفمش من الضرورىيعنى انى ازود عليه همومه واخيله فالرايحه والجايه.

7-دا غير حاجة مهمه كمان *******الكفن بتاع النساء فيه حجاب فاللى مش هتلبسه بايرادتها وهى حيه كدة كدة هتلبسه وهى رايحه قبرها- يبقى الاولى اطيع ربى بايرادتى واقابله وهو راضى عنى واخد اجرى كامل ولا انى ملبسوش غير وانا جثه واقابل ربنا وهو غضبان عليه.


الاسباب دى هى اللى فهمتنى ليه ربنا فرض الحجاب
مش تعسير ولا تضييق الحجاب فعلا يا بنات المسلمين
عزة وكرامهميعرفهاش غير اللى داق طعم الستر ربنا
يهدينا ويهدى بنات وشباب المسلمين.



مع كامل احترامى للجميع